قزل یول وبلاگینا خوش گلمیسز
 
قالب وبلاگ

گل، اَل- اله توتوب گئدک،

گئدک بیز اولمایان یئره.

هر دردی اونودوب گئدک

دردیمیز اولمایان یئره

 

بورادا قویاق اؤزوموزو،

بو قیریشان اوزوموزو

بو کؤهنه‌لن سؤزوموزو

گئدک سؤز اولمایان یئره

 

بیر کیمسه توتماسین خبر،

گَل، چیخیب گئدک بیر تَهَر

بو ائو، بو کوچه، بو شَهَر،

بو دنیز اولمایان یئره.

 

... آتام اوغلو، آز چابالا،

سن دئین چتین‌ تاپیلا،

بو رامیزی کیم آپارا

بو رامیز اولمایان یئره؟!..

 

رامیز روشن


موضوعات مرتبط: ترکی شعر موختلف شاعیرلردن، سئوگی
[ شنبه بیست و سوم اسفند ۱۳۹۳ ] [ 21:39 ] [ مهران ]

گؤزلرین گؤزومه ساتاشان زامان


٬بیردن اورییمه قالاندی سؤگی.


باخیشین هورولدو باخیشلاریما


٬گؤزوندن گؤزومه جالاندی سؤگی


اویمادیم شؤهرته اویمادیم آدا٬


اییلدیم تانیشا اییلدیم یادا.


دئدیم بو وفاسیز فانی دونیادا٬


هرشئی گئدر تکجه قالاندی سؤگی.


توتاق دانیشماخدان باقلانسین دیلیم٬


آدین اورگیمدن نه سایاق سیلیم؟


دوزی٬بیلنمه دیم منیم سئوگیلیم


٬نه چون اورگیندن تالاندی سئوگی!

عشقه٬محبته قابل اؤلماسان٬


ایستکدن دانیشما کامیل اؤلماسان.


کؤنلوم٬دئمیشدیم کی عاقیل اؤلماسان


٬واریوخون الیندن آلاندی سؤگی.


قانلی گؤزیاشیمی دؤندردین سئله


٬یاندیردین کونلومی تاپشیردین یئله.


ناصحم سئوگیلیم دوشوندوم بئله٬


یالاندی محبت٬یالاندی سئوگی!


موضوعات مرتبط: ترکی شعر موختلف شاعیرلردن، سئوگی
[ شنبه بیست و سوم اسفند ۱۳۹۳ ] [ 21:38 ] [ مهران ]

من جنتی پوچ بیلیرم


گولوم سنین قوجاغیندا


بیهوش اولوم قوی لال اولسون


دیلیم سنین قوجاغیندا


کسسه یولوم قضا قدر


عومروم گونوم گئتسه هدر


منه خوشدو چکسم اگر


ظولوم سنین قوجاغیندا


یا وعده نی بویازا وئر


یا بهمنی گودازا وئر


هئچ اولماسا اجازا وئر


 اولوم سنین قوجاغیندا!


موضوعات مرتبط: ترکی شعر موختلف شاعیرلردن، سئوگی
[ شنبه بیست و سوم اسفند ۱۳۹۳ ] [ 21:36 ] [ مهران ]

دویغومون چیچگی آچیلان زامان

منی ترک ائدیر سن الیندن آمان

اوره گیم دولوبدور گؤزه لیم یامان

سنی آختاریرام ، سندن خبرسیز

ایستیرم اونودام ، اوره ییم قویمور

نقدر دانیشسام، یئنه ده ،دویمور

آلیشیب ایچه ریم، ابدا سویمور

سنی آختاریرام سندن خبرسیز
سؤزومو دئمه یه یوخ چیخار منده

یلیرم بیلیرسن گؤزه لیم ،سنده

دؤنوبدو تئللرین سنین کمنده

باغلاییب قولومو سندن خبرسیز

جان آتیرام دار قفسدن اوچماغا

ال اله توتوشوب ، بیرگه قاچماغا

نه اولار چیخایدیم ،بیر اوجا داغا

سنین خیالینلا ، سندن خبرسیز

دویغوسوز یاشاماق ایگیده ،عاردی

داغلارین باشیندا گؤرونن قاردی

بودونیا  باشیما ، گؤر نئجه داردی

سنله یاشاییرام، سندن خبرسیز

اؤتوبدو عؤمرومون جاوان چاغلاری

دویونجا گزمه دیم باغچا باغلاری

چکدی اوره ییمه چارپاز داغلاری

زمانه غفیلدن ،سندن خبرسیز

ایندیکی عؤمرومون سون باهاریدی

ساچیمدا آغ توکلر، عؤمور قاریدی

هامی اؤز یاریندان، یامان یاریدی

یاکاموز قوجالدی ، سندن خبرسیز. 

 

                                                  حبیب ساسانیان


موضوعات مرتبط: ترکی شعر موختلف شاعیرلردن، سئوگی
[ شنبه بیست و سوم اسفند ۱۳۹۳ ] [ 21:27 ] [ مهران ]

گؤزوم آیدین تانریمین اؤزی ینه گولدی منه

یاریمین گلمه یینی سانکی روا بیلدی منه

گؤزوم آیدین ینه ده دوست الینی آلدیم اله

تار گئجه م اولدی ایشیق تا که سحر گولدی منه

گؤزوم آیدین نه غمیم وارگله جک گونلریمه

اوره ییم شوقا گلیب ؛اولما تازا ایلدی منه

گئجه گوندوز نفسیم تازه لنیپ شاد یاشیرام

شعریمین بندینی آشدیقجا شیرین دیلدی منه

گؤزوم آیدین ینه ده باخدی خمار گؤزلو؛ خومار

کونلومون صاحیبی اول باغچادا بولبولدی منه

ینه جانلاندی جانیم آب حیات وئردی دئدیم

یوسفیم ایتمیشدی خوش خبری گلدی منه

شمع لر یاندیقیجا ناز ائله دی پروانه

اوندا گوردوم دایانیب (تارلا) سی تئل تئلدی منه

 

 

                                                                تارلا


موضوعات مرتبط: ترکی شعر موختلف شاعیرلردن، سئوگی
[ شنبه بیست و سوم اسفند ۱۳۹۳ ] [ 20:15 ] [ مهران ]

پرفسور "محمود آخوندى" در بيست و سوم اسفندماه سال ۱۳۱۲ در شهرستان اهر ديده به جهان گشود.


وى هنوز پنج ساله نشده بود كه پدرش دارفانى را وداع گفت و مادرش كه زني تحصيلكرده در زمينه علوم دينى بود عهده‌دار تربيت وى شد، البته مادرش سال‌ها بعد و زمانى كه محمودآخوندى ۳۷ سال داشت، در سال ۱۳۴۹ درگذشت. 


موضوعات مرتبط: مشاهير آذربايجان
ادامه مطلب
[ سه شنبه پنجم اسفند ۱۳۹۳ ] [ 22:44 ] [ مهران ]


یوخو گلمیر گوزومه یار غمین نن بو گئجه

نئجه هجرانه دوزوم تکجه دایانیم بو گئجه

گویلوم ایستیر کی نگاریم ساریلا جان و تنه

هوسیم واردور اوپم غنچه دهانین بو گئجه

کونوشام یاریمیله یار وفاداریمیله

گول دیه گول اشیده باغ و بهاریم بو گئجه

گوز تیکم گوزلرینه شانه ویرام تللرینه

یا ائدم جانیمی قوربان او نگاره بو گئجه

ال تاخام اللرینه بوسه قویام گول یوزونه

تا ائدم رفع عطش آب روانه بو گئجه

کیم دیوبدور کی اوزاخلیخ منی سن سیز لده جاخ

گوز یوموب فکریویله یانیوه گللم بو گئجه

ای خدا اتمه روا عاشقه چکسین کی جفا

ائت روا حاجتنی ائیله دواسین بو گئجه

 


موضوعات مرتبط: ترکی شعر موختلف شاعیرلردن
[ سه شنبه هفتم بهمن ۱۳۹۳ ] [ 14:21 ] [ مهران ]

شاعر و نویسنده شهیر آذربایجان جناب استاد عباس داداش زاده متخلص به فانی تبریزی در یازدهم مرداد ماه یکهزار و سیصد و چهل و هفت هجری شمسی ، در ملک سخن، تبریز زر خیز، دیده به جهان گشود .  پدر بزرگوارشان که نامی به زیبایی نام محمد داشت از شیعیان مخلص بارگاه همایونی حضرات معصومین(ع) بود که به همراه مادری مهربان از همان سرآغاز زندگی دل و جان فانی را به اکسیرعشق آمیختند . درعنفوان جوانی همنشین غزل های حافظ و همنوای نای مثنوی  و هماره در پی حق و حقیقت  بود که در نوزدهمین بهار زندگی خویش ، با توفیقات ربانی حضور حضرت علامه حسن زاده آملی را درک کرده  و به یمن این دیدار روحانی ؛ جهانی دیگر رخ نموده و ایشان پای در وادی سیر و سلوک نهاده اند . این شاعر برجسته و هنرمند وارسته كه صاحب دهها اثر تأليفي و تحقيقي است ، از شاگردان موفق زنده ياد مولانا محمد عابد تبريزي است و مزید برآن از محضر اساتیدی چون عارف دلسوخته منعم اردبیلی ؛ حضرت آیة الله سید حسن عاملی ؛ حافظ پژوه بزرگ جناب استاد بهاالدین خرمشاهی و چندی دیگر بهره ها برده است .

او که بیش از 30 اثر در کارنامه درخشان علمی و ادبی خویش دارد ،  بزرگان شعر و ادب ایشان را  « ادیبی فاضل ، سخن پردازی ساحر، صاحبدلی صاحب نظر، دانشمندی بصیر ، محققی بارع ... » و در یک کلام « مظهر شعر عرفاني و اسلامي ايران زمين » ، دانسته  و آورده اند «اشعاري كه از كانون احساس و ايمان ايشان تراويده در نوع خود بديع و كم سابقه است، به گونه اي كه ارج ادبي بعضي از ابيات، حتي با آثار و اشعار برخي از بزرگان شعر پارسي برابري مي كند .

کتاب های  : هفت شهر عشق ، عابد خلوت نشین ، کیمیای هستی ، دلدادگان توحید ، کاروان عشق ، علی در آیینه علی (ع) ، سه علامه تبریزی ، وصف خورشید ، گوهرهای سیر و سلوک ، فال های شگفت انگیز حافظ ، غزل گنجینه سی ، و ... از آثار گرانقدر و ارزشمند اوست.


موضوعات مرتبط: مشاهير آذربايجان
[ پنجشنبه دوم بهمن ۱۳۹۳ ] [ 20:3 ] [ مهران ]

گوزل اولمایان قیز وارمی گورسن


باخین ، بیرده باخین ، یاخینا یادا


بلکه گوزللیی گورمه ین گوزلر


دویمایان اورکلر وار بو دنیادا


گوزللیک گنجلیین بولاق دنیاسی


قیزلار بو بولاق دان سو ایچیب ایچر


هر قیز هارداسا نه واخت سا آزی


بیر اوغلان قلبینه اود سالیب کئچر


بیر سری ده دویدوم من زامان زامان


جاوانلار سئوللر ، عشقه دوشرلر


سئون اوغلان لارین باخیشلاریندان


گوزل لر بیر آزدا گوزللشرلر


گوزل اولمایان قیز اولماز منجه


منکی گورمه میشم ، گورن وار دئسین


بس گوزل اولمایان اوغلانلار نئجه


بونو من دئمیرم ، قوی قیزلار دئسین


موضوعات مرتبط: سئوگی
[ سه شنبه بیست و پنجم آذر ۱۳۹۳ ] [ 11:59 ] [ مهران ]

شعر جالانیر دوداقیمدان

ایسلادیر گؤزلریمی

اونودورام بوتون غملریمی

یازیرام سنی

بیر بولاق کیمی آخیرسان کونلومدن

پنبه بیر بولود اولورسان

خیالیمین ماوی گؤیلرینده

یاواش یاواش اسی سن لحظه لریم ده

نظمه چکیرسن افکاریمی

نظمه چکیرسن بوتون یاشاییشیمی.....

 

 

تارلا


موضوعات مرتبط: ترکی شعر موختلف شاعیرلردن، سئوگی
[ سه شنبه بیست و هشتم مرداد ۱۳۹۳ ] [ 20:57 ] [ مهران ]

دوشور یادیما هردن
مکتب حیطینده من
یولونا گوز تیکردیم
قلبیم سیزلاردی بیردن
سن درسه گلمه ینده

دوروب دوروب آناردیم
گیزلی گیزلی یاناردیم
نئچه دوستون ایچینده
اوزومو تک ساناردیم
سن درسه گلمه ینده

زنگ سسی اوجالاردی
اوشاقلار سوز آلاردی
گوزلریم بوش ماساندا
فیکریم چولده قالاردی
سن درسه گلمه ینده

دوزمه ییب بونا بعضا
دوشوب گاهدا هوسدن
نه دانیم حقیقتی
قاچاردیم منده درسدن
سن درسه گلمه ینده

 

 

حسین عارف


موضوعات مرتبط: ترکی شعر موختلف شاعیرلردن، سئوگی
[ شنبه بیست و هشتم تیر ۱۳۹۳ ] [ 18:30 ] [ مهران ]
یئنه ده سنه فیکیرله شیرم
                                              گیله م.
بو گونونه،گه له جه یینه . . .
                                  سونسوز دیله یینه،
                                                              گوجسوز بیله یینه،
                                                                                     اونسوز اله یینه،
     نه بیلیم
                                     نه یینه . . .
                                     نه یینه . . .
                                     نه یینه . . .

آرتیق اوزومو اونوتموشام من

                                                    سانکی سن منیم باشقا اوزومسن.

[ شنبه بیست و هشتم تیر ۱۳۹۳ ] [ 18:24 ] [ مهران ]

من اوزوم ایسته مه دن
منیم کونلوم ائوینه
چاغریلمامیش بیر قوناق تک
او آیاق باسدی آنجاق!
تانیمیردیم
یادایدی . . .
نه آیریلدی ، نه قاچدی
منه اوز سررینی آچدی
گون به گون دوغمالاشدی
ایندی اونو بو ائودن
نجه چوله سالیم من ؟ !
باخ !
چاغریلمامیش بیر قوناق
اولوب کونلومه اورتاق !


موضوعات مرتبط: علي جوادپور، سئوگی
[ شنبه بیست و هشتم تیر ۱۳۹۳ ] [ 18:22 ] [ مهران ]

خلیل رضا اولو تورک مسکودا زنداندا یاتاندا،عومور گون یولداشی فرانگیز خانوم اوز ائولرینده قالمیردی خلیلین  یوخلوقوندان.
اما هر دفعه خلیل رضا یازیردی کی : عومروم گونوم! گئت اوز ائویمیزده قال.
بیر دفعه نامه آلدی کی خلیل من ایسترم کی قاپینین دویمه سین باساندا سن آچاسان قاپینی منیم اوزومه.
ائویمیز ایستی یئرده ولی ائو بوز کیمین دیر چونکو ائوده خلیل نفسی یوخدو.
قلمیله بوتون دنیانی سیلکه له ین خلیل رضا دمیر بارماخلار آراسیندا عاجز قالمیشدی.
دردینی قلمه دئدی قلم اود توتدو یاندی.
عومور گون یولداشی نین آدیندان یازدی کی :

 

اوتوز بئش ایل بیر ایسیندیخ بیر اجاقین ایستی سینه

سئویب قیزیل شعله سینی دوزدوک آجی توستوسونه

 قصیر، سارای تیکمه سک ده،یاخشی جا بیر یووا قوردوخ

لیاقتله کشیکینده گئجه گوندوز آییق دوردوخ

بیر یاشادیخ اوتوز بئش ایل دویا دویا سئوه سئوه

ایندی قاییت دون دئیرسن سنسیز نجور دونوم ائوه


موضوعات مرتبط: سئوگی
[ چهارشنبه یازدهم تیر ۱۳۹۳ ] [ 19:30 ] [ مهران ]

سئوه سئوه گزدیم ،بو ائللری
تئله تئله دوزدوم، من گوللری
باخا باخا یولارا، آختارارام سنی من
شیرین سوزوم،گلمدین، ایکی گوزوم گلمدین
کونول وریب سئودی یئم، هاردا قالدین گلمدین؟
گلــــــــــــــــــــــــــمدین،گلــــــــــــــــــــــمدین
ایلک باهار گلدی،دورنالار گلدی،تکجه سن گلیب چیخمادین هاردا قالمیسان؟
ازل گوندن ره عشقه دوشوب من بیر بلا گوردوم،
اوزومنن غیر اوشاقی بلایه مبتلا گوردوم،
دولاندیم عالمی بیر یاری همدم گورمدیم بیلاهی،
جفا سین چکدیم یارین اوزومه مبتلا گوردوم
سن سیز کونلوم ائوی، یار، اوتلانار
تئز گل قلبیم دوزمور،یار هجرانا
باخا باخا یولارا، آختاریرام سنی من
شیرین سوزوم گلمدین، ایکی گوزوم گلمدین
کونول وریب سئودییم هاردا قالدین گلمدین
گلــــــــــــــــــــمدین،گلـــــــــــــــــــمدین
ایلک باهار گلدی، دورنالار گلدی ،تکجه سن گلیب چیخمادین، هاردا قالمیسان؟؟؟؟


موضوعات مرتبط: سئوگی
[ دوشنبه نوزدهم خرداد ۱۳۹۳ ] [ 22:0 ] [ مهران ]

یوخو گلمیر گوزومه یار غمین نن بو گئجه

نئجه هجرانه دوزوم تکجه دایانیم بو گئجه

گویلوم ایستیر کی نگاریم ساریلا جان و تنه

هوسیم واردور اوپم غنچه دهانین بو گئجه

کونوشام یاریمیله یار وفاداریمیله

گول دیه گول اشیده باغ و بهاریم بو گئجه

گوز تیکم گوزلرینه شانه ویرام تللرینه

یا ائدم جانیمی قوربان او نگاره بو گئجه

ال تاخام اللرینه بوسه قویام گول یوزونه

تا ائدم رفع عطش آب روانه بو گئجه

کیم دیوبدور کی اوزاخلیخ منی سن سیز لده جاخ

گوز یوموب فکریویله یانیوه گللم بو گئجه

ای خدا اتمه روا عاشقه چکسین کی جفا

ائت روا حاجتنی ائیله دواسین بو گئجه

 


موضوعات مرتبط: سئوگی
[ پنجشنبه بیست و پنجم اردیبهشت ۱۳۹۳ ] [ 20:32 ] [ مهران ]

نه اؤزون گلیرسن، نه‌ده خبرین
یوخ، سنی آپاران قاتار قاییتماز.
یول‌لار یادیرغایار، اونودار
یول‌لار کورک اوسته یاتار،
قاتار قاییتماز!

گئده‌ر دیانماز کی ایلین قاتاری
گئده‌ر بئی قاتاری، گلین قاتاری
کیم دئییر قایتاراق گلین قاتاری
گئده‌ر گؤزدن ایتر، قاتار قاییتماز.

گئتدین ایندن بئله هر گلنده یاز
سولغون گؤرونه‌جک چیچک‌لر بیر آز
سونبول‌لر ساچینی کولک داراماز
ایل‌لر باشا چاتار، قاتار قاییتماز.

گئدنده دولویدو بو بوش قاتارلار
دونیا قاتار- قاتار بوشالار، دولار
کیمدن کوسمک اولار، اینجیمک اولار
الین هارا یئتر، قاتار قاییتماز.

یاغیش یادداشلاردان ایزلر اونودور
هر گون عؤمروموزدن بیر گونو اودور
یالاندان گؤزله‌ییر “علی جوادپور”
یوخ، سنی آپاران قاتار قاییتماز.

 


موضوعات مرتبط: علي جوادپور، سئوگی
[ چهارشنبه هفدهم اردیبهشت ۱۳۹۳ ] [ 19:45 ] [ مهران ]
ارگ تبریز (علی‌شاه) نام یک بنای تاریخی در تبریز است. سبک معماری این بنا به شیوه آذری و معمار آن استاد فلکی تبریزی ذکر شده‌است.

این ارگ یکی از بلندترین دیوارهای تاریخی کشور و نماد شهر تبریز است. این ارگ در مرکز شهر تبریز، در ضلع جنوبی تقاطع خیابان امام خمینی و فردوسی قرار دارد و امروزه فضای پیرامون آن برای برگزاری نماز جمعه مورد استفاده قرار می‌گیرد و مصلای بزرگ تبریز در این مکان احداث شده‌است.


ارگ تبریز


ارک بزرگ



موضوعات مرتبط: عمومی
ادامه مطلب
[ سه شنبه دوم اردیبهشت ۱۳۹۳ ] [ 11:33 ] [ مهران ]
مغازه‌های سنگی تبریز مربوط به دوره قاجار است و در تبریز، خیابان شریعتی جنوبی (شهناز قدیم) ، کوچه مغازه‌های سنگی واقع شده و این اثر در تاریخ ۱۶ دی ۱۳۸۷ با شمارهٔ ثبت ۲۴۴۰۱ به‌عنوان یکی از آثار ملی ایران به ثبت رسیده است.
شب برفی تبریز


موضوعات مرتبط: عمومی
ادامه مطلب
[ سه شنبه دوم اردیبهشت ۱۳۹۳ ] [ 11:30 ] [ مهران ]
ائل گلی تبریز


موضوعات مرتبط: عمومی
ادامه مطلب
[ سه شنبه دوم اردیبهشت ۱۳۹۳ ] [ 11:24 ] [ مهران ]

قونقا یا تراموا گونه ای از قطار شهری است که ۱۷۵ سال قبل ابتدا در اتریش و به طور همزمان در روسیه به کار افتاد. سپس در سراسر دنیا متداول شد.

 تبریز که نخستین شهری در ایران بود که صاحب چنین سیستم حمل و نقل شهری شد و راه اندازی آن به حدود دوران جنگ جهانی اول سال ۱۲۸۰ شمسی باز می گردد .

اسب تراموا


موضوعات مرتبط: عمومی
ادامه مطلب
[ سه شنبه دوم اردیبهشت ۱۳۹۳ ] [ 11:16 ] [ مهران ]

مرحوم استاد دکتر محمود پديده متخلص به"پديده"در سال1312 در شهر تبريز

ديده به جهان گشود وتحصيلات ابتدائی ومتوسط خود را در زادگاه خويش

به پايان رسانيد.

                                                                   



موضوعات مرتبط: مشاهير آذربايجان
ادامه مطلب
[ سه شنبه بیست و ششم فروردین ۱۳۹۳ ] [ 12:27 ] [ مهران ]
یوخلوقون حسرت اولارکن وارلیقین غمخانه دیر


کونلومون حالین سوروشما بو گئجه دیوانه دیر



غملری آتدین اورکدن دء گوروم سررین ندیر


سن وارایکن سن سیز اولماق دای منه افسانه دیر 




سویله کی رویادی یم یا که حقیقت تاپمیسان


بو گئجه یادین اورکده بیر گوزل دردانه دیر


ائیله سن سن سویله ییب کونلوم غمینده اوت توتوب


بیله یانماق بیلمیرم عشقینده هیچ آیا ندیر




ائیله مبهوتم اوزومده کی زامان دونمور گئجه


کونلومون هر تیکه سی ای نازنین یوز شانه دیر




آیریلیق دردی بوغارکن الیمی آلدین اله


آلیشارکن عشق اوتوندا جان ائویم ویرانه دیر



(تارلا)نین شعری جوشار کونلو هر آندا تیتره یر


اینجه گول سن سیز منیمده وارلیقیم افسانه دیر



                                                               تارلا


موضوعات مرتبط: سئوگی
[ دوشنبه بیست و ششم اسفند ۱۳۹۲ ] [ 20:1 ] [ مهران ]

نسیم اولدوم

مین دره لر آشاآشا

هانس داغا هانسی داشا

اسمه ک اوچون

هی پروانه ده ن گولده ن یازدیم

اؤز غمیمه قبیر قازدیم

اؤزگه غمین غمیم بولدوم

آغلامالی بیر مقامدا دئییب گولدوم

چاریق اولدوم ایاقلارا

بیلاو اولدم پوچاقلارا

نسیم اولدوم باغچالارا

بالتا اولدوم اؤز کوکومه

ائله ایندی اونا گوره

اؤز ایاقیما تیکان باتیر

ائله ایندی اونا گؤره

یوخ کسه ری پوچاقیمین

ائله ایندی اونا گؤره

الده چیراغ،اؤزلویؤمو،

آیدین گؤنده تاپامیرام

ائله ایندی اونا گؤره

اؤز باغیمدا چیچک لرده

شهه، نمه حسرت سؤلور

ائله ایندی اونا گؤره

کووره لیرم گؤزوم دولور



علی جوادپور


موضوعات مرتبط: علي جوادپور، سئوگی
[ پنجشنبه دهم بهمن ۱۳۹۲ ] [ 19:22 ] [ مهران ]


ای وفاسيز سئومه مني

من سئوگيدن يارالي­يام

اوزون ايللر حسرتينده

خسته ­لنيب آرالي­يام

      

كؤنلوم هله انتيظاردي

گئنيش دونيا منه داردي

عؤمروم بويو آه و زاردي

آغ گونلردن قارالي­يام


دؤيوب مني بوران كولك

ائله سولدوم بير جسد تك

گؤزو يولدا خان چوبان تك

سئللر آخان سارالي­يام  


حبس اولموشام آنا ديلده

ديده ­رگينم قوربت ائلده

بايقوش باغير مسكنيمده

هئچ بيلميرم هارالي­يام

"عظيم" دئيه­ر ائللر جمعي

اكين  محبت    چمني

قينامين  سيزالله مني

اومود وئرن چارالي­ياماي

 

                                                                 عظیم آقایی

                                                                                                                                                                                                                                                                                                                  


موضوعات مرتبط: ترکی شعر موختلف شاعیرلردن، سئوگی
[ شنبه بیست و هشتم دی ۱۳۹۲ ] [ 18:31 ] [ مهران ]



دوروب اونومده گئنه گول جمالى سئوگيليمين


گزير باشيمدا دمادم خيالى سئوگيليمين


اونون يگانه اوميدى پناهى بير منيديم


نئجه گئچير گوره سن من سيز حالى سئوگيليمين


موضوعات مرتبط: سئوگی
[ شنبه چهاردهم دی ۱۳۹۲ ] [ 19:37 ] [ مهران ]



کونول اوزو دونموش يارا نئيله دين

من ها عزيزله ديم ناشى دى گئتدى

کونلومون ايلک اووو ايلکک سئوگيسيدى

گوزومون سون قطره ياشيدى گئتدى

يامان دالغالاندى هيجران دنيزى

قالدى خياليمدا حسرتين ايزى

انسان اولادينين داش اوره ليسى

او نازلى گوزل لرين باشيدى گئتدى

شجاعتم محبت وار سينمده

خوشدور اوندان گلن کدرده غمده

سئوميشم؛سئويرم،سئوه جه يم ده

اونون اوز کئفيدى خوشويدى گئتدى


موضوعات مرتبط: شجاعت كلبجرلي، سئوگی
[ چهارشنبه یازدهم دی ۱۳۹۲ ] [ 20:12 ] [ مهران ]


گئندى!

کيرپييمدن سوزه ن ياش کيمى

ايتدى

غربت لره دوشن داش کيمى

آيريلدى عاديجه بير يولداش کيمى

بوغازیم قورودو دیلیمده سوسدو

موضوعات مرتبط: علي جوادپور، سئوگی
[ چهارشنبه یازدهم دی ۱۳۹۲ ] [ 20:11 ] [ مهران ]


گئجه لر اوزون گئجه لر سس سيز

سحرين عطرين نئيليرم سن سيز

آغلايير گوزوم اوره ييم خسته

ياتا بيلميرم گل منى سسله


موضوعات مرتبط: سئوگی
[ چهارشنبه یازدهم دی ۱۳۹۲ ] [ 20:7 ] [ مهران ]


دينله منى گوزل وطن

بير سوز گلير اورييمدن

خلقى ميزين عشقيله سن

گوله جکسن هر بير زامان

آذربايجان آذربايجان


موضوعات مرتبط: صمد وورغون
[ چهارشنبه یازدهم دی ۱۳۹۲ ] [ 20:6 ] [ مهران ]
.: Weblog Themes By Iran Skin :.

درباره وبلاگ

چوخ خوش گلمیسز.
بو وبلاگ چالیشیر تورک ادبیاتین و
تورکون گوزل دویغولارینی یایا.
سیزدن خواهش ائیلیرم نظر وئزماغی اونوتمایین

*******************

قدمين قوياندا سن
کوچميزده سسله نير
پيچ پيچا دوشور هامى
دئييرلر گوزل گلير
بو گوزل هاراليدى
تبريزين مارالى دى
اونون عشقينده منيم
اوره ييم يارالى دى


****************


قوى پليس لر اينجى مه سين
قورخولو بير سير دئيرم
چوخدانديکى بير آرزوم وار
اوغرو اولماق ايسته ييرم

انسان لارين آراسيندان
عقيده سيز انسان لارى
وجدانى نى ساتانلارى
اوغورلاماق ايسته ييرم

يالانى نى بوندان اونا
اوندان بونا ساتانلارى
ايکى سئون آراسيندان
او اوچومجو آداملارى
اوغورلاماق ايسته ييرم

اوغورلوق دا ايشدى بارى
من آنامين صيفتيندن
واخت سيز دوشن قيريشلارى
اوغورلاماق ايسته ييرم

لاپ غضبى توتسا بئله
يئرين منه گويون منه
نه دئيرسيز دئيين منه
اوغرو اولماق ايسته ييرم



******************

سيل گوزوندن آخان ياشى
سن آغلاسان من آغلارام
گوينر اوره ييمين باشى
سن آغلاسان من آغلارام
سن گولنده چمن گولر
قرمتول ياسمن گولر
ائللر گولر؛وطن گولر
سن آغلاسان من آغلارام

****************

شجاعتم محبت وار سينمده
خوشدور اوندان گلن کدرده غمده
سئوميشم؛سئويرم،سئوه جه يم ده
اونون اوز کئفيدى خوشويدى گئتدى


*******************

دوروب اونومده گئنه گول جمالى سئوگيليمين
گزير باشيمدا دمادم خيالى سئوگيليمين
اونون يگانه اوميدى پناهى بير منيديم
نئجه گئچير گوره سن من سيز حالى سئوگيليمين


*********************


نئجه نغمه قوشوم نئجه دينله ييم
دوست گئديب اوزومه گه له بيلميرم
ائله بيل اللريم يوخ اولوب منيم
گوزومون ياشينى سيله بيلميرم


****************
گئجه لر اوزون گئجه لر سس سيز
سحرين عطرين نئيليرم سن سيز
آغلايير گوزوم اوره ييم خسته
ياتا بيلميرم گل منى سسله




امکانات وب