ای وفاسيز سئومه مني
من سئوگيدن يارالييام
اوزون ايللر حسرتينده
خسته لنيب آرالييام
كؤنلوم هله انتيظاردي
گئنيش دونيا منه داردي
عؤمروم بويو آه و زاردي
آغ گونلردن قارالييام
دؤيوب مني بوران كولك
ائله سولدوم بير جسد تك
گؤزو يولدا خان چوبان تك
سئللر آخان سارالييام
حبس اولموشام آنا ديلده
ديده رگينم قوربت ائلده
بايقوش باغير مسكنيمده
هئچ بيلميرم هارالييام
"عظيم" دئيهر ائللر جمعي
اكين محبت چمني
قينامين سيزالله مني
اومود وئرن چاراليياماي
عظیم آقایی
دوروب اونومده گئنه گول جمالى سئوگيليمين
گزير باشيمدا دمادم خيالى سئوگيليمين
اونون يگانه اوميدى پناهى بير منيديم
نئجه گئچير گوره سن من سيز حالى سئوگيليمين
کونول اوزو دونموش يارا نئيله دين
من ها عزيزله ديم ناشى دى گئتدى
کونلومون ايلک اووو ايلکک سئوگيسيدى
گوزومون سون قطره ياشيدى گئتدى
يامان دالغالاندى هيجران دنيزى
قالدى خياليمدا حسرتين ايزى
انسان اولادينين داش اوره ليسى
او نازلى گوزل لرين باشيدى گئتدى
شجاعتم محبت وار سينمده
خوشدور اوندان گلن کدرده غمده
سئوميشم؛سئويرم،سئوه جه يم ده
اونون اوز کئفيدى خوشويدى گئتدى
گئندى!
کيرپييمدن سوزه ن ياش کيمى
ايتدى
غربت لره دوشن داش کيمى
آيريلدى عاديجه بير يولداش کيمى
گئجه لر اوزون گئجه لر سس سيز
سحرين عطرين نئيليرم سن سيز
آغلايير گوزوم اوره ييم خسته
ياتا بيلميرم گل منى سسله
دينله منى گوزل وطن
بير سوز گلير اورييمدن
خلقى ميزين عشقيله سن
گوله جکسن هر بير زامان
آذربايجان آذربايجان
نئجه نغمه قوشوم نئجه دينله ييم
دوست گئديب اوزومه گه له بيلميرم
ائله بيل اللريم يوخ اولوب منيم
گوزومون ياشينى سيله بيلميرم
دونن منه اوز الينده
گول گتيرن بير گلينده
گوزلرينده مين بير سوال
هئيکل کيمى داياندى لال
او بخته ور گوزلينده
من اوخودوم گوزلرينده
شاعير نه تئز قوجالدين سن؟!
ده يين دوسداخلارى براخاجاخلار
قوى غم بوزارتماسين اوزون آنامين
ده يين قيريلاجاخ ظلمون زنجيرى
بير تهر باشينى يوزون آنامين
بير دريا واريميش قاشيمين آتدا
زهر گيزله نيلميش قاشيمين آتدا
ياسديخ داشا دوندو باشيمين آتدا
بوردا هاردان آليم ديزين آنامين
شجاعت ائتديلر يالان عومرومو
کور اولسون داشلارا چالان عومرومو
تالانان تالاندى قالان عومرومو
عومرونون اوجونه يازين آنامين
شجاعت
سنین یادین اوچون ...
قلم آلدیم الیمه
امما ...
تیتره ین اورگیم
اللریمین امانینی کسدی
گوز یاشلاریم
آق صفحه نی ایسلاتدی
بیلرسن نییه ؟
آخی...
بولودلار سس چکیب آغلاشاندا گل
ووردوغون یارالار ساغلاشاندا گل
بو سویوخ محبت داغلاشاندا گل
گورسن کی من یوخام آختارما منی
چکنده شکلیمی گوزونده یاش چک
اونون یانیندا بیر اوره یی داش چک
سنیله گزدیغیم یرلره باش چک
گورسن کی من یوخام آختارما منی
گورسن کی من یوخام آختارما منی
آیلا
باخدیم دالیسیجا یار گئدنده
بیر یولدا دئدیم باخار گئدنده
باخدی قاپیدان گئچنده گولدو
بیلمیردی اورهک اومار گئدنده
باغلاندی دیلیم اورهکدن آمما
آز قالدی چئکم هاوار گئدنده
گئتمه ، گئدیسن ؟ یاواش یاواش گئت
جانیم بیلیسن چیخار گئدنده
دوندر گؤزونو ، خومار خومار باخ
قویما منی ده ، خومار گئدنده
سن سیزلیگه دؤزمهگیم چتیندی
گل جانیمی آل قوتار گئدنده
سندن سورا عشقی نئیلیرم من
آل عشقینی ده آپار گئدنده
مهر ایله نوازش ائیله بلکه
گول بیتسین اورهکده ، قار گئدنده
من گؤر نه دئییردیم اؤز اؤزملن
قول بوینوما بیر سالار گئدنده
بیچاره اورهک بولود کیمین دیر
گؤردوکجه سنی دولار گئدنده