گئجه خلوتجه بيزه سئوگيلی يار گلميش ايدی
اوزو آيدان دا گؤزل نازلی نيگار گلميش ايدی.
تر آخيب گول ياناغيندان، بولود اؤرتموشدو آيی،
اونو دوشمنمی قوووب، كؤنلو قوبار گلميش ايدی؟
اونا من گؤز يئتيريب خلوتی باخديم، باخديم،
اووچونون اوولاغينا كؤرپه شيكار گلميش ايدی.
اويويوب هر ايكيميز راحت اولوب بير ياتديق،
بختيمين باغچاسينا گوللو باهار گلميش ايدی.
دئدی: - گئتمك دميدير، سؤيله، نه ايسترسن يار؟
بير اؤپوش ايستهديم اوندان... يئری وار، گلميش ايدی.
آغلاييب گئتدی او يار، گؤز ياشی يانديردی منی،
اودلارا ياندی ديليم، سانكی شرار گلميش ايدی.
ائی نظامی! - دئدی - بيردن آييليب، گؤردوم او يوخ،
دئمه رؤيادا بيزه چشمی-خومار گلميش ايدی.
+ نوشته شده در چهارشنبه سوم تیر ۱۳۹۴ ساعت 21:59 توسط مهران
|